वंशजको आधारमा नागरिकता

१. सम्बन्धित वडा कार्यालयबाट फोटोसमेत प्रमाणित गरिएको नेपाल नागरिकता नियमावली, २०६३ कोे अनुसूची–१ को आवेदन फाराम ।

२. बाबु, आमा वा आफ्नो वंशजका तीन पुस्ताभित्रका नातेदारको नागरिकताको प्रमाण पत्र ।

३. निवेदकको जन्म दर्ता प्रमाणपत्र ।

४. शैक्षिक योग्यताको प्रमाण पत्र ।

५. सनाखतको लागि एकाघरका अभिभावक र सम्बन्धित वडा कार्यालयको सनाखत सिफारिस पत्र ।

६. निवेदकको बाबु र आमाको विवाह दर्ता प्रमाणपत्र । व्यक्तिगत घटना दर्ता लागू नहुँदै विवाह भएको भए विवाह प्रमाणित पत्र ।

७. स्पष्ट मुखाकृति (दुबै कान) देखिने हालसालै खिचिएको २.५ से.मि.*३ से.मि. साइजको स्तरीय फोटो २ प्रति (रातो background नभएको) ।

८. विवाहित महिलाको हकमा पतिको नागरिकताको प्रमाणपत्र र विवाह दर्ताको प्रमाण पत्र, घरपट्टिको एकाघर  परिवार सदस्यको सनाखत (पति, सासू, ससुरा, देवर वा जेठाजु) र निजको नागरिकताको प्रमाणपत्र, माईतीपट्टिको परिवारको सदस्यको (बाबु/आमा) नागरिकताको प्रमाण पत्र  ।

९. बसाइ सराइको हकमा बसाइ सराइ दर्ताको प्रमाण पत्र, जग्गाधनी पूर्जा प्रमाण पत्र, नक्सा पासको प्रमाण, मतदाता परिचय पत्र, पानी, बिजुली, टेलिफोन महशुल कार्ड आदिको प्रमाण ।

१०. व्यक्तिगत घटना दर्ता लागू नहुँदै जन्म भएको व्यक्तिको नागरिकता बनाउनुपर्ने भएमा सम्बन्धित वडा कार्यालयबाट जारी जन्म प्रमाणीकरण । व्यक्तिगत घटना दर्ता लागू नहुँदै बसाइ-सराइ गर्ने व्यक्तिको हकमा स्थायी वसोवास प्रमाणित पत्र ।

११. नाता प्रमाणित प्रमाण पत्र (आवश्यक देखिएमा) ।

१२. स्थलगत प्रहरी सर्जमिन ( आवश्यक देखिएमा) ।

१३. निवेदकको आमा, बाबु र पतिबाहेक परिवारको अन्य कोही व्यक्तिले सनाखत गर्नुपर्ने भएमा सो व्यक्तिसँग निवेदकको नाता खुल्ने गरी सम्बन्धित वडा कार्यालयले गरिदिएको नाता प्रमाणित प्रमाणपत्र ।

१४. आमा/बाबु/पतिको मृत्यु भएको भए मृत्यु दर्ता प्रमाणपत्र । व्यक्तिगत घटना दर्ता लागू हुनु अगावै मृत्यु भएको भए मृत्यु मिति खुलेको मृत्यु प्रमाणित पत्र ।